ትሯማ ( የአይምሮ ጠባሳ ) እና ስነ ልቦናዊ ጫናው

ስነ ልቡናዊ ቁስል( Psychological Trauma) በሰዎች ከባድ እና አሳዛኝ የኋላ ታሪክ ምክንያት የሚመጣ የስሜት ፣ የባህሪ እና የሃሳብ መዛባት ነው። በስነ ልቡናዊ ቁስል (Psychological Trauma) ውስጥ ያሉ ሰዎች ካሳለፉት ከባድ ህይወት አንጻር የአሁኑ እና የወደፊት ህይወታቸው ላይ ለደህንታቸው ማረጋገጫ ስለሚያጡ በሆነው ባልሆነው ውስጣቸው ሊረበሽ ወይ ሰላማቸው ሊያጡ ይችላሉ።

የልጅነት ስነ ልቡናዊ ቁስል ምናምን እያልኩ ለምን እጨነቃለወ? እኔ በአሁን ጊዜ ሃያልነት የማምን ሰው ነኝ ፣ ዛሬን መኖር ስችል ለምን ስለትናንቴ አስባለሁ ?

ይህ አይነት ጥያቄ ከላይ ሲታይ በብርታት እና በቁርጠንነት የተሞላ የደፋር ሰው ጥያቄ ይመስላል ፣ግን ምን አልባት የኋላው ህመም እና ከባድ ጊዜ ለመጋፈጥ ካለን ፍራቻ የመጣ ቢሆንስ? ያለ ወላጅ ማደግ ፣ያለ ፍቅር እና እንክብካቤ መኖር ፣ጾታዊ ጥቃት ፣ ብቸኝነት ፣ ክህደት ፣ አደጋ እና በደል እነኚ ሁሉ ወደ ኋላ ዞሮ መጋፈጥ በጣም ድፍረት ይጠይቃል። ከሁሉም በላይ የሚያስፈራው እና የኋላ ታሪካችንን ዞረን እንድንመለከት የሚያስገድደን ዋንኛ ምክንያት ደግሞ እነኚ ታሪኮች ባልተጋፈጥናቸው ልክ አዕምሮዋችን ውስጥ ተደብቀው የአሁን እና የወደፊት ህይወታችንን መኖር ባለብን ልክ እንዳንኖር ስለሚያረጉን ነው። የኋላ ታሪካችችንን ችላ ብንለውም በፍቃደኝነት ተመልሰን ካልቋጨነው በስተቀር ትጽዕኖ ይቀጥላል ማለት ነው ?

በሚገባ! ትኩረት ሳይሰጣቸው ያደጉ ትኩረትን ፍላጋ ይኳትናሉ ፣ ለአንድ ቀን እንኳን እውነት ሳይነገራቸው ያደጉ መዋሸት ብቸኛው የመኖሪያ መንገዳቸው ይሆናቸዋል። ሰው እንዴት በዚህ ልክ አውሬ ሊሆን ይችላል ብለው የሚፈርዱባቸው ሰዎች ምናልባት አብረው ከነበሩት ሰው የወረሱት ቢሆንስ ? የኋላ ታሪካችን ለመርሳት ብንሞክር እንኳን ይደበቃል እንጂ ጭርሱን አይጠፋም ፣ ሰውነታችን አንዴ መዝግቦ ይዞታል ፣ ስለዚህ ያለን ብቸኛው አማራጭ ከነኚ ያሗላ አጋጣሚዎች ጋር መታረቅ እና መቋጨት ነው። ይህን ማረግ የምንችለባቸው ብዙ የስነ ልቦና አገልግሎቶች ሲኖሩ ከነዛ ውሰጥ የንግግር/የምክክር ህክምና (Psychotherapy ) እና ግላዊ የኋላ ታሪክ ድረሰት በዋነኝነት ይጠቀሳሉ ።ግላዊ ድረሰትን ለኋዋላ ታሪክዎ እንደ መፍትሄ ለመጠቀም ካሰቡ በሚቀጥለው ጆርናል ላይ ማግኘት ይችላሉ።