ለስነ ልቦናዊ ድህነት የሚረዳ የአጻጻፍ ስልት

ድሮ ልጅ እያለን ስለ ህይወት ታሪካችሁ ጻፉ ስንባል… ከእናቴ ባይተዋር ቢቸና … ከ አባቴ ክፍሌ ሹሉቃ… እድሜዬ ለትምህርት ሲደርስ … እያልን ነበር የምንጽፈው። ግላዊ ድረሰትዎን ከኋላ ህይወታዎ ጋር ለመታረቅ ሲጽፉ “ምን ሆኜ ነበር? ምን አይነት ኑሮ ነው ኖሬ የነበረው? የትናንት ታሪኬ ዛሬዬን እንዴት ቀይሮታል ?ከትናንት ታሪክ ዛሬ ላይ ምን እማራለው” ለሚሉ ጥያቄዎች መልስ እንዲያገኙ እንጂ ታሪኩን ከጻፉ በኋላ ጓደኛን ወይ ቤተሰብን አስነብበው በስነ ጽሁፍ ክህሎት ለማስግረም አይደለም።ስለዚህ እርስዎ ጋር የሚቀር ታሪክ እስከሆነ ድረስ መነሳት ያለባቸው ወሳኝ እና ድብቅ አጋጣሚዎች ጨምሮ ቢፅፉ ይምከራል።

በዝርዝር መጻፍ ውስጤን ስለሚረብሸው ሁሉንም ማስታወስ ይከብዳል ፣ዝም ብዬ ላይ ላዩን ብፅፍስ?

የሰው ልጅ አዕምሮ ከሚድርስበት ስነ ልቦናዊ ጥቃት ራሱን ለመጠበቅ ሁሌ ዝግጁ ነው ። ያልታሰብ መጥፎ አጋጣሚ ባጋጠመው ቁጥር አይምሮ ራሱን ለመክላከል ከምንጊዜውም በላይ ዝግጁ ስለሚሆን ዙርያውን በሙሉ በመጠራጠር ሊደርስበት የሚችልበትን አደጋ በውጥረት እና በጭንቀት መጠበቅ ይጀምራል። ታዲያ በዚህ መልኩ ሊፈጠር የሚችል አደጋን መጠባበቅ ሲጀመሩ ፣ የውስጥ ሰላምዎ ይረበሻል ፣ሰውነትዎ ይሸበራል ፣ ሁኔታው ለ አዕምሮዎም ሆነ ለ አካልዎ በጣም ጎጂ ነው።

ስለዚህ በኋለኛው ህይወትዎ ላይ የተፈጠሩ የህይወት አጋጣዎችን ባሰቡ ቁጥር ንዴት ፣ሃዘን ፣ቂም ፣በቀል ወይ ሃፍረት የሚሰማዎ ከሆነ በእርግጥም በአዕምሮዎ እስካሁን ድረስ በመረብሽ ውስጥ ነው ያለው። ስለዚህ እነኚ የሚረብሹ ትውስታዎች ለምን እንደተፈጠሩ እና አሁን ላይ ያላቸውን ስነ ልቦናዊ ተፅዕኖ እስካላወቁ ድረስ በዚህ መልኩ ሰላም አተው ፣ ስሜትዎ ከ ሃሳብዎ ፣ ሃሳብዎ ከባህሪዎ ጋር ተጣልቶ ያለመፍትሄ ሊኖሩበት የሚችሉበት እድል የሰፋ ነው።ስለዚህ በዝርዘር ዋና ዋና ትውስታዎችን አስከተለው ከሚመጡት ስሜቶች ጋር መጋፈጥ የሚመከር ነገር ነው ።

መጻፍ ምን ያክል አስፈላጊ ነው ?

ፅሁፍ ረቂቅ የሆነ የማሰቢያ መንገድ ነው። ስንጽፍ እናስባለን ፣ማሰባችን ደግሞ ብስሉን ከጥሬ በመለየት ጥሩ ምርጫ ላይ የተመሰረተ ህይወት እንድንኖር ያስችለናል። በኋላ ታሪካችን ላይ የተፈጠሩ ልብ ሰባሪ አጋጣሚዎችን በረቀቀ መንገድ ለማስብ ዝግጁ ካልሆኑ የራስዎትን እንዲሁ የሌሎችን ሰዎች ህይወት ሊያበላሹበት የሚችሉበት እድል የጎላ ነው ።እስከዛሬ ድረስ የኋላ ታሪክ ትውስታዎች አዕምሮው ላይ እየመጡ ያለፍቃድዎ ሲረበሹዎት ነበር ፣ አሁን ግን በገዛ ፍቃድዎ እኚን መጥፎ ትውስታዎች ትኩረት ሰትው ምክንያት እና ውጤታቸውን ሊያስቡ ነው። ሁል ጊዜ ይሚሽሹት የኋለኛ ህይወት ካልዎት አዋጩ መንገድ ዞሮ መጋፈጥ ነው ፣ ጽሁፍ ደግሞ ለዚህ ሁነኛ መፍትሄ ነው።