ውጤታማ የ Journaling Style

ቶሎ ለመጨረስ በችኮላ እና በጥዲፊያ መፅሃፍ ውጤታማ አያረግም። ይህን “PSY -ግላዊ ድርሰት(Self Authorship” ለመጻፍ ሲሞክሩ አንዳንድ አስጨናቂ እና ከባድ ትወስታዎች በአዕምሮዎ ሊመላለሱ ይችላሉ ፣ ታዲያ በዛ ሰዓት ይህን ጽሁፍ መቀጠል በጣም ከባድ ሊሆን ይችላል! ፣ያ ሆነ ማለት ግን አሰልቺ መሆን አለበት ማለት አደለም። እንዲህ አይነት ስሜት በሚሰማዎ ሰዓት ቆም ብለው ፣ ይህን ጽሁፍ መጨረሱ ሊያስገኝ የሚችለውን ጥቅም ከራስ ጋር መወያየቱ አስፈላጊ ነው።

ካለፈው ህይወት ጋር መታረቅ ሊያስገኝ የሚችለው ብዙ ብዙ ጥቅሞች ያስቡ፣ የውጥረት ሁኔታዎን ይቀንሳል ፣ ስለ አሁኑ እና ስለ ወደፊቱ አጥረተው ማሰብ ይጀምራሉ “ትናንት ምን ብሆን ነው ዛሬ ላይ በበጎም ይሁን በክፉ እንዲህ የሆንኩት?” ስለሚለው ምላሽ ያገኛሉ። ከነኚ ሁኔታዎች ጋር በተያያዘ በአካልም ይሆን በአዕምሮ ጤናማ እንዲሆኑ ያግዝዎታል። ከፀፀት እና ቂም ርቀው የዝችን ዓለም ኑሮዎ እያጣጣሙ ለወደፊት ህይወትዎ ደግሞ አስቀድመው የዘጋጃሉ ማለት ነው።

እኛ ሰዎች ብዙ ጊዜ ስንጽፍ ከሰዎች ጋር ለመግባባት በሚል እንጂ በቀጥታ ለራሳችን አንጽፍም። ይህን ቅጽ ጊዜ ወስደው የሚጨርሱ ከሆነ ለገዛ ራስዎ መሰረት ያለው የስብዕና ግንባታ በስጦታ መልክ አበረከቱ ማለት ነው! ስለዚህ መጨረሻ ጽፈው ሲጨርሱ የራስዎ የሆነ የግል ዶክመት ይኖርዎታል ።

መረሳት የሌለበት ነገር ………….እንቅልፍ

ይህን ጽሁፍ ጀመረው እስኪጨርሱ ደረስ በተከታታይ ቀናት ቢጽፉ የሚመከር ነገር ነው። ስለ ስነ-ጽሁፍ ፣የሰውነት እና የአይምሮ ጤና ጋር ተያይዞ በተጠና ጥናት መሰረት እንቅልፍ በተለይ ደግሞ ሕልም ፣ ሃሳብዎን ለማደራጀት እና ለማስተካከል ይጠቅምዎታል። ስልዚህ በዚህ የጽሁፍ ዝግጀት ላይ በተሳተፉበት ቀን ሁሉ በቂ እንቅልፍ ማገንኘት እጅግ ውጤታማ ያረጋል!